Dialekmès geet durch
Dialekmès geet durch
Ut viefde seizoen hat wèr aagevange (richtige vasteloavends-gekke wete waal wat doa mit bedoeld weët), d’r veurige Prins is afgetrône en d’r nuje Prins is geproclameerd. Ut vasteloavends-seizoen kint beginne. Beij veuël karnavalisten vingt ut noe al aa te kriebele: ze hant d’r kloon al aa gehat en zint noa Oake of Kölle getrokke um d’r sfeer (en vuural ut beer!) te preuve.
Van versjillende kante evver huut me geluide, dat op karnavalszondig ging Dialekmès zow weëde gehôte, maar dat weët verteld durch luuj, die nit wete, dat ut Feskomité Sjeeter Dialekmès al twieë kieër vergaderd hat. Joa, d’r Corona zint vieër noch nit kwiet en joa, et Feskomité hat gans wiechtige lede verloare (d’r Jo Driessen en –get langer wie ee joar geleije– d’r Frans Bremen), die joarelank hunne sjtempel op de totsjtandkoming van de Dialekmès hant gedrukt.
Um noa die vervelende corona-tied toch wer ing Sjeeter Dialekmès te kinne organizere, hat ut Feskomité noa luuj gezoch, die ing gôw bijdrage kinne lieëvere aan ing sjtummige mès op karnavalszondig en inmiddels zint al twieë vergaderinge geweës. Nuje lede hant och nuje iedeje en in de ieësjte vergadering hat ut Feskomité zich oetgesjproake uuëver ut tema van de mès: Durch sjpas mit ee verbonge.
Och uuëver meugelike artieste is al noagedaach en ut Feskomité vruijt zich dan och te kinne aakondige dat ut Marleen Rutten hat towgezaag de Dialekmès van 2023 te kome oploestere.
Dus sjrieëf maar in d’r agenda:
Vasteloavendszondig 19 fibberwaar 2023 um 11 op 11 Dialekmès in de P&P kirk op d’r Sjeet.
Vieër zient ôs in de kirk.
Mit karnavalsgroet,
Feskomité Sjeeter Dialekmès